كان ياما كان..يا ساده يا كرام

من قصص التراث الشعبي الفلسطيني

فلسطين بعتت سلام للجميع..
و حكتلي...
قولي لولادي..
اشتقت كتير للقعدات الحلوة..
ضو القمر..و قلوب الحبايب..
و القصص الندية..
و الحكاوي..

تعالوا لنرَجع ايام زمان..

كل يوم قصة ..كل يوم حكاية..
مش لحتى انّام..
عشان يصحى فينا اشي ما بينام..

ليالي كانت في فلسطين..
و قصص نحكيها لنبقى احنا في الوطن عايشين

فلسطين بتسلم عليكم..

و بتقولكم....

كان يا ما كان يا مستمعين الكلام... و ما يحلى الحكي الا بالصلاة على محمد خير الانام...

زيدوا المصطفى صلاة...

هادا يا سادة يا كرام...يا اهل الجود و الإكرام..
كان في...
و لما كان في...كان هناك كل شي..
كان في بلد ما تعرف الشمس غيرها وطن...
و القمر فيها وجه صبية مليحة..
و كان فيها ناس...الحب و الخير فيها اساس..

كان يا ما كان..

وطن...حب...سلام...أمن...شجر...عمر...قمر...

كان يا ما كان..

كان في وطن...اسمه فلسطين...

و يا حبابي يا سامعين...ما في متلها اتنين.
ما بدي اكتر عليكم حكي...

طلع في يوم عليها الصبح...
هجمت الديابه....و ما كانت خيابه..
هجموا على البيوت...على الكروم...ع الخوابي...حرقوا الروابي..
و قلعوا عين الصبية...
و طفوا الشمس...

و صار الشعب الحر ساكن بخيام...
و ما بكي عليهم حد..لانه البكي بده زلام...
و في هالعالم ما كان زلام غيرهم..
سكنوا بالخيام..

ايش ضل بالقصة..!!!

طلعوا عليهم بقصة توطين..و اكياس طحين..
يا ويلي ع المساكين..

طلع فيهم منادي و قال:

يا عالم يا هووووو!!!!!
يا سامعين الصوت..
و رب السما و الدنيا..ترابك يا فلسطين ما يهون.
انا لاجئ ساكن بخيمتى لحتى ارجع او القيامة تقوم..
ما برضى بالذل..
راح ابقى عربي فلسطيني..
عاشق ع طول العمر..
عشقي فلسطيني

يا سامعين الصوت..

انا فلسطيني..
انا فلسطيني..
انا فلسطيني

و هيك يا سادة يا كرام..
صلوا ع المصطفي قبل ما نكمل الكلام..

و بقى الفلسطيني جرح بصدر الزمان..
حامل جروحه و ين ما كان..

لسّه ما بدت القصة لحتى تنتهي..
لسّه الحكي قدام..

بس الفلسطيني و صاني ابلغكم السلام..

و بوصيكم..

ادعولهم..لحتى ربي يفرج الكرب..و يرجعوا زي زمان....

الله يفرج همهم
مشكوووووووووووووووووووووووووووووووووور

اللهم اميييين
اسعدني مرورك اختي عاصي
كوني بالجوار دائما

من عيوني ياغلاي

يسلمووووووووووووووووووو

الله يعطيك الف عااافية

موضوع كثيرررر حلوووووو

الله يعافيك يا عسل
امنوووره بطلتك الحلوه
لروحك وقلبك السعاده يا الغلا

اناولا مييييييييييييين

انتي وحياة الفهد
الله يسعدكم ويسعد مساكم بالخير والمسرات

رووووووعه الموضوع خيتي